ريختر

بسم الله الرحمن الرحيم


بين ركام و غبار
شقيت طريقي
ما أدري إيه حصل
و لا فين رفيقي
حولي لقيت ناس
تحتي و من فوقي
ماليين المكان و المكان
زاد في ضيقي
ناس هناك ناس هنا
مع القلق واقفين
يسألوا إيه اللي حصل
قال موش عارفين
ناس مهمين كانوا
كمان حاضرين
همسهم لازم مالك
خالف القوانين
كبيرهم قال الملف
من الحي تخفوه
لغاية لما نلقى سبب
للناس نقولوه
و المكان يا أمن
يا بوليس حاصروه
لا يدخل و لا يخرج
غير من تجدوه
بعيني دورت على
حبيب كان جنبي
تحت الركام راقد
و بكفه بينادي
صرخت يا خلق يا هوو
لقيت حبيبي
زوجي هنا إنقذوه
ما حد سامعني
إيه جرى يا خلق
ليه غير سامعين
تعدوا حواليا و إنتم
و لا شايفين
رفيق العمر هنا
للنجده مستني
شوفت شرطي
باين عليه واعي
لكزته بقوة دارت
عينه الناحية دي
قدم ناحية اليد اللي
للنجده بتنادي
عنيه على دبله ربطتنا
عمرنا الباقي
حب يخلعها ...
اليد اتحركت
على يده قبضت ...
و إتمسكت
حب الحياة
غريزة إتمكنت
من هلعه صرخ
حي يا ولد
الجند اتلموا يشدوه
و أشد وياهم
يزيلوا الركام حواليه
ربنا معاهم
بالنفس لسه فيه ..
حماسه واخداهم
بقدرة الرحمن صار
العمر لساه فيه
خرجوه بالحمد
و ربنا كبير
قالوا دا حي
دا هو الأخير
اللي جنبه
جسد همدان
لا حراك فيه
شابة حاضناه
كان قصدها تحميه
معقول أنا جثمان
مزينه ... كردان
معقول أنا هنا
و دا جسدي
قيمته في كردان ؟
قال بصوت ضعفان
هاتوا الكردان
كل همه كان
شبكتي .. الكردان !
وسع المكان ...
و ساده ظلام
فين الحقيقه
فين الأحلام
لقيتني أبعد في فضا
ساده سلام
أسبح في نور
كله أمان
أبعد عن الأقزام
يخفت ندا الأوهام
هاتوا الكردان ...
هاتوا ال...
هاتوا...
ها ...
_________
أبو حميد المصري